Developed by Aye Chan Aung & Zin Zae Developed by Aye Chan Aung & Zin Zae

Wednesday, February 15, 2017

Multi-Level Marketing သမားတွေ စည်းရုံးသလို လူတိုင်းချမ်းသာနိုင်မှာလား


Multi-Level Marketing သမားတွေ
စည်းရုံးသလို လူတိုင်းချမ်းသာနိုင်မှာလား
===========================

Network Marketing ကုမ္ပဏီတခုက လူတိုင်းချမ်းသာနိုင်သည့် နည်းလမ်း ၎င်းတို့တွင်ရှိသည်ဟုပြောလာလျှင် ယုံကြည်နိုင်ပါသလား။ တိုင်းပြည်ချမ်းသာမည်၊ မချမ်းသာမည်ထက် ထိုတိုင်းပြည်နေ လူတိုင်းချမ်းသာရမည်ဟု ဆိုပါသည်။
လက်ရှိ မြန်မာနိုင်ငံတွင် Network Marketing ကုမ္ပဏီများက လူအများကို ပစ်မှတ်ထားကာအင်တိုက်အားတိုက်လုပ် ဆောင်လာနေသည်ကို တွေ့မြင်နေရသည်။ လမ်းဘေးဈေးသည်မှအစ ဆရာဝန်၊ အင်ဂျင်နီယာစသည့် ပညာတတ်
အသိုင်းအ၀ိုင်းအထိ 'ဒါရိုက်တာ'ဟူသော ရာထူးအိပ်မက်၊ တလသိန်း ၃၀ ရရှိ မည်ဆိုသည့် အိပ်မက်ကို မက်နေကြသည်။
Network Marketing လုပ်ငန်းကို ယခင်ကုမ္ပဏီများ၏ အမည်းစက်များကြောင့် စက်ဆုပ်ရွံရှာသူ အများအပြား ရှိနေခဲ့သော်လည်း ယခုအခါတွင် Network Marketing အား စိတ်ဝင်စား၍ လုပ်ကိုင်နေသူ ပေါင်းသိန်းနှင့်ချီ၍ ရှိနေပြီဖြစ်သည်ဟု သိရသည်။
၂၀၁၅ စက်တင်ဘာ ၁၂ ရက် MCC ခန်းမတွင် Unicity ထုတ် ကုန်များနှင့်
ပတ်သက်၍ Network Marketing ပွဲတပွဲကျင်းပခဲ့သည်။ ယင်းပွဲအား သာမန်ကာလျှံကာထင်ထားခဲ့သော်လည်း လူဦးရေ ၆၀၀၀ ခန့် တက်ရောက် ခဲ့သည်ကို တွေ့ရသည်။ တက်ရောက်လိုသူတိုင်း အခမဲ့ တက်ရောက်
ခွင့်ရရှိခြင်းမဟုတ်ဘဲ တဦးလျှင် ကျပ် ၅၀၀၀ တန် လက်မှတ်တစောင်ဝယ်ယူမှ တက်ရောက်ခွင့်ရရှိသည်။ လူဦးရေ ၆၀၀၀ ခန့် MCC ခန်းမအပေါ် ထပ်၊ အောက်ထပ်အပြည့် တက်ရောက်လာသည့်သူများအား မည်သည့်အရာများက ဆွဲဆောင်ထားပါသနည်း။
ပွဲစတင်သည်နှင့် Unicity ထုတ်ကုန်နှင့် ထိတွေ့ခွင့်ရသူများသည် လောကတွင် ကံအကောင်းဆုံးလူများဖြစ်ပြီး ကုမ္ပဏီနှင့် လက်တွဲ၍ အလုပ်လုပ်ခွင့်ရသူ
များသည်လည်း မဟာအခွင့်အရေးရရှိသူများကဲ့သို့ တင်စားခဲ့ကြ သည်။
လူ့ဘ၀တွင် ငွေကြေး၊ အချိန်၊ ကျန်းမာရေးပြည့်စုံမှဘ၀သည် ပျော်ရွှင်ဖွယ်ကောင်း
သည်ဟု ဆိုသည်။ ယင်းအချက်အား Unicity ထုတ်ကုန်များဖြင့် Network Marketing လုပ်သည့်သူတိုင်းရရှိနိုင်မည်ဟုလည်း ဆိုသည်။
တင်ဆက်မှုပုံစံများတွင် Unicity ထုတ်ကုန်များ၏ အားသာချက်များ၊ သုတေသနပြုလုပ်ထားချက်များ၊ ကျန်းမာရေးအတွက် ဘေးထွက်
ဆိုးကျိုးမရှိဆိုသည်များအား ဆရာဝန်တဦးက ရှင်းလင်းတင်ပြခဲ့သည်။
ယင်းထုတ်ကုန်များသည် အမေရိကန်ပြည်ထောင်စုနှင့် ဂျပန်နိုင်ငံ၏ ထောက်ခံချက်
များဖြင့်ဟုပြောပြပြီး ဆေး သိပ္ပံလောက၏ဘုရင်ဟု တင်စားသည့် Rexall ကုမ္ပဏီ၏ အမှတ်တံဆိပ်ကို ရေဖြင့်ဖျော်သောက်လျှင်ပင် ကျန်းမာရေးကောင်းကြောင်းပြောပြီး ဆရာဝန်လောကတွင် ထင်ရှားသည်ဟုလည်းဆို၏။
လူထု၏ကျန်းမာရေးထက် အသင်းဝင်သူများ ဘယ်လိုကြီးပွားချမ်းသာမည်၊ ဘယ်နိုင်ငံများသို့ သွားရမည်ဟုသာ စည်းရုံးလှုံ့ဆော်မှုကို သိရသည်။ သည်အတိုင်းဆိုလျှင် ဆေးဝါးအနေဖြင့် ဆေးရုံများ၊ ဆရာဝန်များမလိုတော့ဟု ယူဆရမလို ဖြစ်နေသည်။
ထို့နောက် Network Marketing ၏ Multi Level Marketing (MLM) ဈေးကွက်ဆင့်ပွားလုပ်ဆောင်ခဲ့သူများ၏ ရုန်းကန်လှုပ်ရှားခဲ့ရချိန်မှ အောင်မြင်မှု အသီးအပွင့်များ ခံစားရပုံများကို အများအားကျလောက်အောင် တင် ဆက်ပြသည်။
ကယားပြည်နယ် လွိုင်ကော်မြို့မှ အမျိုးသမီးတဦးသည် ယင်းဆေးကုမ္ပဏီ၏ထုတ်ကုန်များကို ဈေးကွက်ဆင့်ပွားစနစ်ဖြင့် ရောင်းချခြင်းအား အယုံအကြည်မရှိဘဲ သူမ၏အမျိုးသားမှ အကြိမ်ကြိမ်လုပ်ဆောင် ရန်ပြောကြားကြောင်း၊ သို့သော်လည်း စိတ်မ၀င်စားဘဲနေခဲ့သည်ဟု ဆိုသည်။
ယင်းကဲ့သို့ စိတ်မ၀င်စားဘဲနေခဲ့ ရာမှ ၎င်း၏အမျိုးသားက မန်ဘာအဖွဲ့ဝင်အဖြစ်ဝင်၍ အလုပ်လုပ်ကိုင်ပြီး ပြင်သစ်ခရီးစဉ်ကို တကိုယ်တည်းသွား မည်ဟုဆိုသဖြင့် ခွင့်မပြုလိုခြင်းကြောင့် ၎င်းပါလိုက်ပါနိုင်ရန် လွိုင်ကော်သို့သွားရောက်ကာ ဈေးကွက်စတင်ခဲ့ သည်ဟုဆိုသည်။
သူ၏ဘ၀အိပ်မက်တွင်လည်း မိသားစုနှင့်အတူတကွ ရှိချိန်များစွာလိုချင်သည်ဟု ဆိုသည်။ သူ၏ဖခင်သည် မော်ချီးဘက်တွင် မိုင်းတွင်းလုပ်ငန်းလုပ်ကိုင်နေပြီး ဥယျာဉ်စိုက်ပျိုးရေး ၀ါသနာပါသည့်အတွက် ဧက ၁၀၀ ၀ယ်ယူကာ နဂါးမောက်စိုက်ခင်း စိုက်ပျိုးထားသည့်လုပ်ငန်းလည်းရှိသည်ဟု ဆိုသည်။
သူ၏ မိခင် သည် သူတို့မြို့နယ်၏ မသိသူမရှိသည့် ဆီစက်ကိုပိုင်ဆိုင်ထားပြီး သူကိုယ်တိုင်လည်း လွိုင်ကော်မြို့တွင် ဈေးဆိုင်တခုကို အောင်မြင်စွာ ဖွင့်လှစ်ထားသည်ဟုဆိုသည်။
ဘ၀အောင်မြင်မှုများစွာရှိနေသော်လည်း အချိန်နည်းပါးခြင်းကြောင့် မိသားစုချင်း မျက်နှာစုံညီ ထမင်းစားရန်ပင် အခက်အခဲရှိပြီ့း  Unicity ၏ Happy Life Project ကို စိတ်ဝင်တစားလုပ်ဆောင်ခဲ့ရာ အောင်မြင်မှုရရှိခဲ့ပြီး သူ၏ အမျိုးသားနှင့် ပြင်သစ်သို့ အခမဲ့ခရီးသွားခွင့်ရခဲ့သည်ဟုဆိုသည်။
ယခု MCC သို့ တက်ရောက်လာသည့် လူများ အနေဖြင့် လာမည့်လေးလတွင် ဂျပန်နိုင်ငံ အိုဆာကာခရီးစဉ်အတွက် အိပ်မက်မက်ခွင့်ရှိကြောင်းကိုပါ ပြော ကြားခဲ့သည်။
ယင်းအစီအစဉ်တွင် လူသားများသည် သက်တမ်းတလျှောက် အနှစ် ၄၀ ခန့် အလုပ်လုပ်ကိုင်ရသော်လည်း ပျော်ရွှင်သည့်ဘ၀ကိုမရရှိ၊ မခံစားခဲ့ရဘဲ အချိန်များ ကုန်ဆုံးသွားသည်ဟုဆိုသည်။ Unicity ၏ Happy Life Project သည် သုံးလမှ ခြောက်လအတွင်း ကြိုးစားလုပ်ကိုင်ခြင်းဖြင့် လစဉ်ဝင်ငွေ သိန်း ၃၀ ခန့်ရရှိပြီး သုံးနှစ်ပြည့်သည့်အချိန်တွင် ပင်စင်ရရှိ ကာ အလုပ်လုပ်ရန် မလိုတော့ဟု ဆိုသည်။
ထို Happy Life Project ကြောင့် အောင်မြင်ခဲ့သူများ၊ ခံစား စံစားနေရသည့်သူများ၊ နိုင်ငံတကာတွင် အောင် မြင်နေသူများ၏ အတွေ့အကြုံများအား တင်ဆက်ပြသခဲ့ပြီး ဘ၀တွင် ကြိုက်နှစ်သက်သည့် ကွန်ဒိုများကို စိတ်ကြိုက်ဝယ်ယူခွင့်၊ စိတ်ကြိုက်မော်တော်ယာဉ်ရွေးချယ်ဝယ်ယူခွင့် ၊ နိုင်ငံအများအပြားသို့ အခမဲ့လည်ပတ် ခွင့်ရခြင်းသည် လူသားဘ၀တွင် မကောင်းပေဘူးလောဟု မေးမြန်းခဲ့ရာ တက်ရောက်သူတိုင်းမှ ကောင်းမွန် သည်ဟု တညီတညွတ်တည်း ဖြေကြားခဲ့ကြလေသည်။
ယင်းကဲ့သို့ လူတဦးလျှင် ကျပ် ၅၀၀၀ ဖြင့် MCC ခန်းမကြီးတခု လုံး ရုံပြည့်ရုံလျှံတက်ရောက်လာသည်အထိ ဆွဲဆောင်နိုင်ခဲ့သည့် ၎င်းတို့၏ အရည်အချင်းမှာ ချီးကျူးစရာပေ။
ဟောပြောပွဲ တင်ဆက်ပွဲအပြီးတွင် မိမိမန်ဘာအဖွဲ့ဝင်အချင်းချင်းစုစည်းကာ ယနေ့တက်ရောက်ရသည့် အတွေ့အကြုံများအားပြောပြစေခဲ့ပြီး တက်ရောက်လာသူတိုင်းနီးပါးမှာ မိမိကိုယ်ကိုယ် မနက်ဖြန်တွင် နိုင်ငံခြား ခရီးစဉ်သွားရမည့် ဒါရိုက်တာတဦးအဖြစ် အထင်ရောက်သွားကြသည်
ကို တွေ့မြင်ရသည်။
MCC တွင် ကျင်းပသည့် ကျပ် ၅၀၀၀ ပွဲစဉ်တက်ရုံဖြင့် လူ့ဘ၀ကြီးတွင် မသေဆုံးသင့်သေးကြောင်းနှင့် ၂၀၁၅ စက်တင်ဘာ ၁၃ ရက် ကန်တော်ကြီးပတ်လမ်းရိ Dolphin စားသောက်ဆိုင်တွင် ပြုလုပ်မည့် သင်တန်းကို တက်ရောက်ပြီးမှသာ လူ့ဘ၀သည် သေဆုံးသင့်သည်ဟုဆိုပြန်၏။
ယင်းသင်တန်းတက်ရောက်ရန် လက်မှတ် တစောင် ကျပ် ၁၅၀၀၀ ပေးရမည်ဖြစ်ပြီး လက်မှတ်အကန့်အသတ်ဖြင့်သာ ရောင်းချသောကြောင့် အမြန်ဝယ်ယူ သင့်သည်ဟု အကြံပြုပြန်၏။ ယင်းအတွက် Dolphin စားသောက်ဆိုင်တွင် တက်ရောက်ခွင့်လက်မှတ်တစောင် ၀ယ်ယူခဲ့ပြီး လေ့လာဦးမည်ဟု စိတ်ပိုင်းဖြတ်ထားသည်။
ပွဲတက်ပြီး သူများ၏အပြန် မျက်ဝန်းများ၌ မကြာမီ သူဌေးဖြစ်ရတော့မည့် အရိပ်အယောင်များအား မြင်တွေ့နေရပြီး အားလုံးသည် တက်ကြွနေကြသည်။ ထိုင်း နိုင်ငံမှ လာရောက်ရှင်းပြသည်များကို စကားပြန်များမှတဆင့် အားတက်သရော နားထောင်နေသော လူအုပ်စု များလည်း ဟိုတစု ဒီတစု တွေ့မြင်နေခဲ့ရသည်။
MLM ခေါ် ဈေးကွက်ဆင့်ပွားစနစ်သည် မြန်မာနိုင်ငံ၌ ယခင်ကလည်းရှိခဲ့ဖူးရာ အဆုံးသတ်၌ အလိမ်အညာ များဖြင့် အချည်းနှီးသာ ပြီးဆုံးခဲ့သည်များကို သတိရမိ၏။ ဆင့်ပွားဈေးကွက်၏သဘောအရ လူတဦးအဖွဲ့ဝင်ပြီး ပါက မိမိလက်အောက်တွင် လူငါးဦး ထပ်မံရှာဖွေစုဆောင်းပြီး ၎င်းငါးဦးမှ လူငါးဦးစီ ထပ်မံရှာဖွေပေးရခြင်း ဖြစ်သည်။ ဈေးကွက်ဖြန့်ဖြူးသည့်ကုမ္ပဏီမှ စားသုံးသူအထိ အဆင့်များဖြတ်သန်းရသည်။
နောက်ဆုံး စားသုံး သူများအတွက် ထုတ်လုပ်သည့်ဈေးနှုန်းထက် များစွာမြင့်မားသည့်ဈေးနှုန်းဖြင့် ၀ယ်ယူစားသုံးရခြင်းဖြစ်သည်။ အကျိုးခံစား ခွင့်ရှိသည်ဟုဆိုသော်လည်း အထက်အဆင့်ဆင့်မှ အောက်ခြေသို့ အမြတ်များစွာယူသည့် လုပ်ငန်း စဉ်ဖြစ်သည်။ ၎င်းတို့ တင်ဆက်မှုများတွင်လည်း အကျိုးအမြတ်များရသည်ကို မစားရ၀,ခမန်းကြားနေရ၏။
မြန်မာနိုင်ငံတွင်လည်း တရားဝင်သည်ဟု ပြောကြားပြီး MLM ဖြင့် လုပ်ကိုင်ခွင့် မည်သည့်ဌာနမှပေးခဲ့သည် ဆိုခြင်းကို တလုံးတပါဒမှ ထည့်သွင်းပြောကြား
ထားခြင်းမရှိပေ။ ကမ္ဘာ့နိုင်ငံ ၄၅ နိုင်ငံတွင် လုပ်ကိုင်နေသော လုပ်ငန်းဟု ပြောကြားထားပြီး ယင်း ၄၅ နိုင်ငံအနက် မြန်မာပြည်၏
ရောင်းအားသည် အဆင့်-၁ ဖြစ်သည်ဟု ဂုဏ်ယူဝင့်ကြွားစွာ
ပြောကြားထားသည်။
စက်တင်ဘာ ၁၃ ရက် Dolphin စားသောက်ဆိုင်တွင် ကျင်းပသောသင်တန်းသည် သင်တန်းသား အဆင့် သုံးဆင့်ခွဲထားပြီး ပထမဦးဆုံးတက်ရောက်လာသူများအား Class-1 အဖြစ်သတ်မှတ်ထားသည်။
ယင်း Class-1 တက်ရောက်လာသူများအား မိမိတို့သည် ငါးနှစ်သား ကလေးငယ်တဦးအဖြစ် ခံယူထားရန်လည်း ညွှန်ကြား ထားသည်။
သင်တန်း၏ အဓိကရည်ရွယ်ချက်အဖြစ် How to Get Start ခေါင်းစဉ်ဖြင့် အချက် ၈ ချက်အား သင်ပြပေး သည်။
သင်ကြားသည့် ပုံစံမှာလည်း အောင်မြင်ခဲ့သည့်သူများ၏ အတွေ့အကြုံများအား ယမန်နေ့ကကဲ့သို့ပင် အချက် ၈ ချက်ဖြင့် တင်ဆက်ခဲ့သည်။ သင်တန်း Class သုံးခုတွင် လူဦးရေစုစုပေါင်း ၇၀၀၀ ခန့် တက်ရောက် ကြသည်။ လူတဦးလျှင် ကျပ် ၁၅၀၀၀ ပေးရပြီး အခန်းထဲတွင် ၎င်းတို့စိတ်ကြိုက် Marketing လုပ်နိုင်သည့် အရည်အချင်းသည်လည်း မသေးဟု ခံစားမိ၏။
သင်တန်းတွင် အချက် ၈ ချက်ကို နံနက် ၈ နာရီမှ ညနေ ၄ နာရီထိ သင်ကြားမည်ဖြစ်ရာ ပရိသတ်အား ငြီးငွေ့မှုမရှိစေရန် Marketing လုပ်နိုင်သည်က အံ့သြဖွယ်ပင် ဖြစ်၏။
စတင်ရင်းနှီးမြှုပ်နှံမှုအတွက် ၁၀၀ PV အတွက် ကျပ် တသိန်းကျော်ဖိုး၊ ၂၀၀ PV အတွက် ကျပ်သုံးသိန်း ကျော်ဖိုး၊ ၅၀၀ PV အတွက် ကျပ်ရှစ်သိန်းကျော်ဖိုး စာရင်းဖွင့်နိုင်ပိတ်နိုင်သည်ဟု ဆိုသည်။ ယင်းအချက် ၈ ချက် ပါ အိပ်မက်နှင့် ပန်းတိုင်ရရှိခြင်းက လူများနှင့် တိုင်ပင်အလုပ်လုပ် ခြင်းများစသည်တို့ ပါဝင်သည်။
အောင်မြင်ပြီးသား လူများ၏အတွေ့အကြုံများနှင့်ယှဉ်ကာ တင်ဆက်ခဲ့ပြီး ထိုင်းနိုင်ငံမှ အမျိုးသမီးများပါ ၀င်ရောက်သင်တန်းပို့ချသည်။
ယင်းအချက်များအတွက် ငါးနှစ်သား၏အတွေးအခေါ် အယူအဆဖြင့် လက်ခံရန် လမ်းညွှန်မှုပေးခဲ့သည်။ အောင်မြင်ခဲ့သူများ၏ရလဒ်များအား လိုချင်ပါက သူတို့လုပ်ဆောင်ခဲ့သည့် လမ်းစဉ် အတိုင်း အလွယ်တကူလုပ်ဆောင်နိုင်ရန် ညွှန်ပြပြီး ယခုသင်တန်းတက်ပြီးပါက Class-2 သို့ တက်ရောက်ရန် ဖြစ်ပြီး မတက်ရောက်ဖြစ်လျှင် ဒီတသက် မသေထိုက်သေးကြောင်းနှင့် ယင်းထက်ပိုပါက ထိုင်းနိုင်ငံတွင် ပြုလုပ်မည့် Camp ကပို၍ တက်ထိုက်ပြီး ယင်း Camp မတက်ရောက်လျှင်လည်း ဒီဘ၀၌ မသေထိုက်သေးဟု ဆိုရိုးစကားပင်ရှိသည်ဟု ဆိုပြန်သည်။
ထိုအတွေ့အကြုံများ ပြောကြားချိန်တွင် ပုဂံမှလာသူများ၊ မန္တလေးမှ၊ သရက်မှ စသဖြင့် နိုင်ငံ၏ နေရာအနှံ့ အပြားမှလာသူများအား တွေ့မြင်ခဲ့ရသည်။ ယင်းအထဲမှ ကိုရီးယားသို့သွားရန် စီစဉ်ထားသူများလည်း ခရီး စဉ်အား ဖျက်လိုက်သည်။
လက်ရှိရန်ကုန်တွင် သိန်းဆယ်ချီဝင်နေသော ၀န်ထမ်းများလည်း အလုပ်ထွက်တော့ မည်။ လမ်းဘေးဈေးရောင်း သူများလည်း ဈေးရောင်းခြင်းထက် ယခုအလုပ်အား ဇောက်ချလုပ်တော့မည် စသဖြင့် လက်ရှိရည်ရွယ်ချက်ထက် ဘ၀အချိုးအကွေ့အဖြစ် Network Marketing လုပ်တော့မည်ဟု ဆုံးဖြတ်ကြသည်။
အားလုံးသည် မိမိကိုယ်ကိုယ် ဒါရိုက်တာဟု အထင်ရောက်ရှိသွားကြပြီး ၎င်းထက်အဆင့် မြင့်သည့် ရာထူးများအား တဆင့်ချင်းတက်ရောက်နိုင်မည်ဟု အထင်ရှိနေကြလေသည်။
ကျွန်တော်သည် ဒေးကာနက်ဂျီ၏စာအုပ် နိုင်ငံတော်ဝန်ကြီးချုပ်ဟောင်းဦးနု ဘာသာပြန်သွားသည့် လူပေါ်လူ ဇော်လုပ်နည်း (၀ါ) မိတ္တဗလဋီကာကိုသာ သွားသတိရမိသည်။
Network Marketing လုပ်ငန်းသည် ၎င်းတို့ပြောသကဲ့သို့ လူသားများ၏ဘ၀အား အမှန်တကယ်ပြောင်းလဲ ခွင့်ရမည်လော၊ ၎င်းလုပ်ငန်းကြောင့် တိုင်းပြည်၏ အပေါင်းလက္ခဏာဆောင်သည့်ရလဒ် အမှန်တကယ်ရမည် လော၊ နိုင်ငံပေါင်း ၄၅ နိုင်ငံထက် အဆင်းရဲဆုံးစာရင်းဝင် မြန်မာနိုင်ငံက အဘယ့်ကြောင့် ရောင်းအား နံပါတ်-၁ ဖြစ်ရသလဲ၊ MLM သည် မြန်မာနိုင်ငံတွင် အမှန်တကယ် လုပ်ကိုင်ခွင့်ရှိ၊ မရှိ မည်သူ့ခွင့်ပြုချက်ရခဲ့သလဲစသည့် မေးခွန်းများအပြင် ယခင်က သာဓကပေါင်းများစွာအား ဆင်ခြင်မိပြီး MLM ဈေးကွက်အတွက် စိုးရိမ်မှုများ ရှိလာခဲ့ပါသည်။ မကြာမီ ရန်ကုန်မြို့လယ်ကောင် (ဆာကူရာတာဝါအတွင်း) ကျပ်သန်းပေါင်းများစွာ လိမ်လည်သွား သည်ကိုပင် အသာတကြည်ခွင့်ပြုခဲ့သည်။
ယင်းထုတ်ကုန်များ၏ ကောင်းခြင်း၊ ဆိုးခြင်းအား မဝေဖန်လိုသော်လည်း MLM ၏ လူတိုင်းချမ်းသာခွင့်ရှိနိုင်သည်ဆိုသည့် ဆွဲဆောင်မှုအတွက်
မေးခွန်းထုတ်စရာဖြစ်နေသည်မှာ အမှန်ပင်ဖြစ်သည်။
မိမိအား ပွဲအတွင်းသို့ ခေါ်ယူခဲ့သူအား စကားတခွန်းသာ ပြောခဲ့မိသည်။ ''ကိုယ့်ယုံကြည်ချက်ကိုတော့ မစွန့် လွှတ်ပါနဲ့၊ ဒါပေမဲ့ ကျွန်တော့်ကိုလည်း မစည်းရုံးပါနှင့်''ဟုသာ ပြောခဲ့မိသည်။ ကောင်းလွန်းလျှင် အမှန်မဖြစ်နိုင်-
‘Too good to be true’ ဆိုသော အင်္ဂလိပ်စကားကိုလည်း သတိရမိသည်။
ကိုခက်
News Watch စောင့်ကြည့်သတင်းဂျာနယ်
၂၀၁၅ စက်တင်ဘာလ News Watch (စောင့်ကြည့်)သတင်းဂျာနယ် တွင် ဖော်ပြခဲ့သော ဆောင်းပါးအားပြန်လည်ဖော်ပြသည်။