Developed by Aye Chan Aung & Zin Zae Developed by Aye Chan Aung & Zin Zae

Friday, February 10, 2017

White-collar Crime၊ သို့မဟုတ် ပညာတက်လူတန်းစားတို့၏ပြစ်မှု


White-collar Crime၊ သို့မဟုတ် ပညာတက်လူတန်းစားတို့၏ပြစ်မှု
************************************************************************
ရေးသူ - စည်သူ
White-collar crime ဆိုတာငွေကြေးအပေါ်အရင်းခံအခြေပြုကာ အကြမ်းဖက် မှုမပါဘဲ စီးပွားရေးလုပ်ငန်းရှင်တွေ၊ ဒါမှမဟုတ် ပညာရှင်တွေကျူးလွန်တဲ့ပြစ် မှုဖြစ်ပါတယ်။ စီးပွားရေးလုပ်ငန်းရှင်တွေနဲ့ပညာတတ်လူတန်းစားတို့ရဲ့ပြစ် မှုပေါ့။ ပြစ်မှုဗေဒအရဆိုရင် လူမှုဗေဒပညာရှင် Edwin Sutherland က ၁၉၃၉ ခုနှစ်တုန်းက ပထမဆုံးစတင်ပြဌာန်းခဲ့တဲ့ပြစ်မှုဖြစ်ပြီး 'လေးစားလောက်ဖွယ်ရာ ရှိသောအဆင့်မြင့် လူ့အလွှာမှပုဂ္ဂိုလ်တို့ ၎င်းင်းတို့၏အလုပ်အကိုင်၊ တာဝန်ယူ မှုနှင့်အတတ်ပညာတို့မှတစ်ဆင့်ကျူးလွန်ကြသည့်ပြစ်မှု' လို့ဆိုထားပါတယ်။ White-collar crime အမျိုးအစားတွေက တော့လိမ်လည်မှု (Fraud)၊ လာဘ်ပေးလာဘ်ယူ (Bribery) ၊ ခေတ်စားနေသည့်တရားမ၀င်မဖြစ်သေး သည့် Multi-level Marketing နှင့်ဆင်တူသောတရားမ၀င်မှု (Ponzi Schemes)၊ ကြိတ်ရောင်းကြိတ်ဝယ် (Insider Trading)၊ လူဆိုးလူမိုက်အလုပ် သမားများအသုံးပြုခြင်း (Labor Racketeering)၊ အလွဲသုံးစားလုပ်ခြင်း (Embezzlement)၊ ကွန်ပျူတာနှင့်ကွန်ရက်တွေကို အသုံးပြု၍ပြစ်မှုကျူးလွန်ခြင်း (Cybercrime)၊ မူပိုင်ခွင့်ချိုးဖောက် ခြင်း (Coypright Infringement) ၊ ငွေကြေးခ၀ါချခြင်း (Money Laundering)၊ ပုံမှားရိုက်ခြင်း (Identity Theft)၊ စာချုပ်စာတမ်းလိမ်လည်အတုပြုလုပ်ခြင်း (Forgery) တို့ပါ။ ဒီနေရာမှာ Multi-level Marketing နဲ့ Ponzi Schemes တို့မတူညီတဲ့ အချက်ကတော့ လက်ရှိအချိန်အထိတရားမ၀င်မဖြစ်သေးတဲ့ Mulit-level Marketing မှာ ထုတ် ကုန်၊ ဒါမှမဟုတ် ရောင်းချနေတဲ့ပစ္စည်းရှိနေပြီး တရားမ၀င်အဖြစ် သတ် မှတ်ခြင်းခံထားရတဲ့ Ponzi Schemes ကတော့မရှိတာပါပဲ။ ဒီနေရာမှာ ထုတ် ကုန် အဖြစ်ရောင်းချတဲ့အရာဝတ္ထုရဲ့တန်ဖိုးက တော်တော်လေးစကားပြောမယ် ထင်ပါတယ်။
နိုင်ငံတကာမှာ အထူးသဖြင့် အမေရိကန်နိုင်ငံမှာဖော်ပြပါ White-collar Crime နဲ့ပတ်သက်ပြီး ထင်ရှားတဲ့အမှုအခင်းတွေအများကြီးဖြစ်ခဲ့ပါတယ်။ တန်ဖိုးအားဖြင့်လည်း တော်တော်ကြီးတဲ့အမှု တွေပါ။ လွန်ခဲ့တဲ့ဆယ်စုနှစ်ခန့် ကငွေကြေးဆိုင်ရာလိမ်လည်မှုနဲ့ပြိုလဲခဲ့ရတဲ့ Enron ကုမ္ပဏီရဲ့ဖြစ်ရပ်ပေါ်ပေါက် လာခဲ့ပြီးနောက်ပိုင်း အမေရိကန်တွေဟာ White-collar Crime အပေါ်ပိုမို ဂရုပြုမိလာခဲ့ကြပါတယ်။ လက်တစ်ဆုပ်စာလောက်သာရှိတဲ့လူတွေက ဘီလီယံဒေါ်လာများစွာတန်တဲ့ကုမ္ပဏီကြီးတွေကို ဖျက်ဆီးပစ်ပုံအကြောင်းတွေ ကိုပေါ့။ ကုမ္ပဏီရဲ့ထိပ်ပိုင်းမှာရှိနေတဲ့ လူနည်းစုလေးက ကုမ္ပဏီကြီးတစ်ခုလုံး ကို အလုံးစုံအရှုံးပေါ်သွားစေသလို အပြစ်မဲ့တဲ့အလုပ်ကြိုးစားကြတဲ့ အခြား ၀န်ထမ်းများစွာကိုလည်း အလုပ်လက်မဲ့တွေအဖြစ် ရောက်ရှိစေခဲ့တာပါ။ ဒါဆိုရင် Enron ဘယ်လိုဖြစ်ခဲ့တာပါလိမ့်။
Enron ပြိုလဲမှု
-----------------
၂၀၀၀ ပြည့်နှစ်တွေတုန်းကဆိုရင် Enron ဟာ ဒေါ်လာတစ်ရာဘီလီယံ ထက်ကျော်လွန်အောင်ဝင်ငွေ ရရှိခဲ့ပြီး Fortune မဂ္ဂဇင်းက Enron ဟာ အမေ ရိကရဲ့တီထွင် ဆန်းသစ်မှုအရှိဆုံးကုမ္ပဏီပါလို့လည်း သတ်မှတ်ခဲ့ဖူးပါတယ်။ စွမ်းအင်ကုမ္ပဏီအမျိုးအစားဖြစ်ပြီး အလွန်ကြီးမားလှတဲ့အတွက် ဘယ်တော့မှ မပျက်စီးနိုင်ဘူးလို့လည်း ထင်ရလောက်ပါတယ်။ ဒါပေမဲ့ Enron တက်လာခဲ့တဲ့ ၉၀ပြည့် လွန်နှစ်တွေကတည်းက Enron ဟာ တရားမ၀င်တဲ့ငွေစာရင်းဆိုင်ရာ လုပ်ထုံးလုပ်နည်းတွေကို ငွေစာရင်းဆိုင်ရာအဖွဲ့ အစည်းတွေမှာ ကြီးငါးကြီး စာရင်းဝင်တဲ့ သူတို့ရဲ့ငွေစာရင်းဆိုင်ရာအဖွဲ့အစည်း Arthur Anderson နဲ့ အတူလုပ်ဆောင်ခဲ့တယ်လို့ ကောလာဟလသတင်းတွေထွက်ခဲ့ဖူးပါတယ်။
အဲဒီအချိန်က Enron ရဲ့ COO နဲ့ CEO ရာထူးရယူထားသူ Jeffrey Skilling နဲ့ သူခေါ်ယူထားတဲ့ လူယုံဝန်ထမ်းဟာ ဒေါ်လာဘီလီယံနဲ့ချီပြီးလိမ်လည် အစီရင် ခံစာတင်ခြင်း၊ ငွေစာရင်းဆိုင်ရာကယ် ပေါက်တွေကိုအသုံးပြုခြင်းနဲ့ ထူးခြားတဲ့ ရည်ရွယ်ချက်နဲ့ ခေါင်းစဉ်မျိုးစုံတပ်ကာ လိမ်လည်ခြင်းတို့ကိုလုပ်ဆောင်ခဲ့ပါ တယ်။ နောက်ထပ်ကုမ္ပဏီရဲ့ COO ဖြစ်သူ Andrew Fastow ဟာ ကုမ္ပဏီရဲ့ ဘုတ် အဖွဲ့ကို လိမ်လည်စာရင်းပြမှုတွေပြုလုပ်ခဲ့သလို Arthur Anderson ကိုလည်း သိမ်းသွင်း စည်းရုံးမှုတွေ ပြုလုပ်ခဲ့ပါတယ်။
နောက်ဆုံး Enron ရဲ့စတော့တွေ ဟာ ဈေးကွက်လုံးဝဦးစိုက်ဆင်းနေရာမှ SEC (Securities and Exchange Commission) ရဲ့ဝင်ရောက် စစ်ဆေး အရေးယူမှုကိုခံခဲ့ရ ပြီး Skilling ကထောင်ဒဏ် ၂၄ နှစ်နဲ့ လေးလ၊ Fastow က ထောင်ဒဏ် ခြောက်နှစ်ကျခံခဲ့ရပြီး အမှုကို အဆုံးသတ်ခဲ့ရပါတယ်။ Enron ကို တည်ထောင်သူ Kenneth Lay ကတော့ တရားရုံးရဲ့အမိန့်ချမှတ်ခြင်း မခံရမီ နှလုံးရောဂါနဲ့သေဆုံးသွားခဲ့ပါတယ်။

ပြောရမယ်ဆိုရင် ကုမ္ပဏီတစ်ခုအရမ်းအောင်မြင်နေချိန်မှာ ကုမ္ပဏီရဲ့ထိပ်ပိုင်း မှာရနေတဲ့ သူတွေရဲ့လိမ်လည်မှု၊ မရိုးသားမှုဟာကုမ္ပဏီကိုကြီးကြီးမားမားထိ ခိုက်စေခဲ့ပါတယ်။ နောက်ထပ်ကြီးမားတဲ့ ငွေစာရင်းဆိုင်ရာအရှုပ်အထွေးတွေ ကိုလုပ် ဆောင်သူကတော့ Worldcom ပါ။
Worldcom ရဲ့ငွေစာရင်းဆိုင်ရာမကောင်းသတင်း
-----------------------------------------------------
Enron ရဲ့ အထင်ကြီးစရာပြိုလဲမှုနောက်ကိုလိုက်ပြီး အတွင်းကျွံပြိုဆင်းပြသူက Worldcom နဲ့ သူရဲ့ CEO Bernard Ebbers ပါ။ ၂၀၀၀ ပြည့်နှစ်နောက်ပိုင်း တယ်လီဖုန်း ဆက်သွယ်ရေးလုပ်ငန်းတွေကျဆင်း လာမှုကိုထေမိအောင် လုပ်ဆောင်လိုက်တဲ့ Bernard ရဲ့ဖြေရှင်းချက်ကတော့ သူ့ရဲ့ကုမ္ပဏီဟာ အကောင်းကြီးရှိနေသေးကြောင်း ရင်းနှီးမြှုပ်နှံသူတွေထင်မြင်ယူ ဆရအောင် လိမ်လည်လှည့်ဖြားခြင်းပဲဖြစ်ပါတယ်။ ဒီလိုလုပ်ဆောင်ရာမှာ ငွေစာရင်းတွေကို လိမ်ပြရတာလည်းပါတာပေါ့။ ကုမ္ပဏီရဲ့ဝင်ငွေဟာ ဒေါ်လာ ၃.၈ ဘီလီယံအထိ ရှိနေဆဲပါလို့ လိမ်လည်ခဲ့တဲ့ရလဒ်ကတော့ ဒေ၀ါလီခံလိုက်ရတာပါပဲ။
အမေရိကန်စီးပွားရေးသမိုင်းမှာအကြီးမားဆုံးသော ဒေ၀ါလီခံမှုတွေထဲက တစ်ခုဖြစ်ခဲ့ပါတယ်။ ၂၀၀၂ ခုနှစ်၊ ဧပြီလမှာ Worldcom ကနေထွက်ခဲ့ရတဲ့ Ebbers ဟာ လျှို့ဝှက်ပူးပေါင်းကြံစည်ချက်၊ အာမခံချက်အပေါ် လိမ်လည် လှည့်ဖျားမှုနဲ့မှားယွင်းတဲ့ ထုတ်ပြန်ကြေညာမှုတွေကိုပြုလုပ်မှု၊ ပြစ်မှုပြစ် ဒဏ်တွေအဖြစ် ထောင်ဒဏ် ၂၅ နှစ်ကျခံခဲ့ရပါတယ်။
နောက်တစ်ခုကတော့ နာမည်ကြီးနေတဲ့ MLM နဲ့ဆင်တူတဲ့ပိရမစ်ပုံစံဈေးကွက် ရှာဖွေချဲ့ထွင်ရေးစနစ်ကိုအသုံးပြုထားတဲ့ Ponzi Scheme ပါ။

Bernie Madoff ရဲ့ Ponzi Scheme
-------------------------------------------
Ponzi ဆိုတဲ့စကားလုံးဟာ ၂၀၀၈ ခုနှစ် အမေရိကန် နိုင်ငံမှာ Madoff တစ်ယောက်အတု အယောင် အာမခံချက်တွေပြုလုပ်မှုနဲ့အဖမ်းခံရပြီးနောက် ပိုင်း ရေပန်းစားတဲ့စကားလုံးတစ်ခုဖြစ်ခဲ့ရပါတယ်။ ပင်လယ်ကမ်းခြေမှာ သက်စောင့် တစ်ဦးလုပ်ခဲ့ဖူးသူ၊ မီးဘေးအန္တရာယ်အတွက် အလိုအလျောက်ရေ ဖျန်းတဲ့ပိုက် ခေါင်းတွေကို တပ်ဆင်ပေးသူအဖြစ်လုပ်ကိုင်ဖူးသူ၊ NASDAQ ရဲ့ ဥက္ကဋ္ဌ ဖြစ်ခဲ့ဖူးသူ Madoff ဟာ မှားယွင်းလိမ်လည်ထားတဲ့ ကုန်သွယ်မှုအစီရင် ခံစာတွေ၊ သူနဲ့အတူ ကုန်သွယ်မှုမပြုလုပ်ပါလို့ ငြင်းဆန်ခဲ့တဲ့ကုမ္ပဏီကြီးတွေနဲ့ အကျိုးတူ ကုန်သွယ်မှုပူးပေါင်းလုပ် ဆောင်ခဲ့ကြောင်း မှားယွင်းတဲ့အထောက် အထားတွေနဲ့အတူ ဘီလီယံဒေါ်လာများစွာ တန်ဖိုးရှိတဲ့ ရင်းနှီးမြှုပ်နှံမှုအဖွဲ့ အစည်းတစ်ခုကို တည်ထောင်ဖို့စီမံခဲ့ပါတယ်။ Madoff အသုံးပြုခဲ့တာကတော့ Ponzi Scheme လို့ခေါ်ခေါ်နေတဲ့စနစ်ပါ။ အဲဒီစနစ်ဟာ ပုံမှန်မဟုတ်တဲ့ များပြားတဲ့ပမာဏရှိတဲ့ အမြတ်အစွန်း တွေရရှိရမယ်လို့အာမခံချက်တွေနဲ့ ရင်းနှီးမြှုပ်နှံသူတွေကိုမျှားခေါ်တဲ့စနစ်မျိုးပါ။

Charles Ponzi ဆိုသူ စတင်တီထွင်ခဲ့တဲ့စနစ်ဖြစ်ပြီး သူရဲ့အဆိုအရ ရင်းနှီးမြှုပ်နှံမှုပြုလုပ်ပြီး ရက်ကိုး ဆယ်အတွင်း ၅၀ ရာခိုင်နှုန်းပြန်မြတ်ရမယ်လို့ ကတိပေးပြောဆိုခဲ့သူပါ။ စနစ်ကတော့ MLM အတိုင်းပါပဲ။ ကုမ္ပဏီပိုင်ရှင်၊ ဒါမှမဟုတ် ပထမသူကနေ စနစ်ကိုစတင်မောင်းနှင်ပြီး ရလာတဲ့လူသစ်တွေရဲ့ ရင်းနှီးမြှုပ်နှံမှုတွေ ကိုတစ်ဆင့်ပြီးတစ်ဆင့်ရယူပါတယ်။ နောက်ထပ် ရင်းနှီးမြှုပ်နှံမှုလူသစ်တွေအပေါ်မူတည်ပြီး လူဟောင်းတွေနဲ့ ပထမသူတို့အကျိုး အမြတ်ရရှိကြတဲ့ပုံစံမျိုးပါ။ MLM နဲ့မတူတာက Ponzi Scheme မှာတော့ ငွေကြေးပေးလိုက်ရပြီး (ရင်းနှီးမြှုပ်နှံလိုက်ရပြီး) ထုတ်ကုန်တစ်ခုမှပြန် လည်ရရှိခြင်းမရှိဘဲ ရင်းနှီးမြှုပ်နှံမှုစာချုပ်စာတမ်း၊ ဒါမှမဟုတ် အာမခံစာရွက် သာပြန်လည်ရရှိခြင်းပါပဲ။
ရင်းနှီးမြှုပ်နှံသူအများအပြား သူတို့ရဲ့အမြတ်ငွေတွေကို ပြန်လည်ထုတ်ယူခြင်း မဖြစ်စေဖို့အတွက်တော့ Ponzi Scheme မှာအထူးအစီအစဉ်ကရှိနှင့်နေပြီး ပါပြီ။ သူတို့အတွက် နောက်ထပ်ငွေအမြတ်အစွန်းပိုမိုရရှိနိုင်မယ်လို့ ယုံကြည် ရလောက်တဲ့ ရင်းနှီးမြှုပ်နှံခြင်းဆိုင်ရာစာချုပ်တွေကစောင့်ကြိုနေ ဆဲ၊ စောင့် ကြိုနေလျက်၊ စောင့်ကြိုနေမြဲပါ။ ဒီလိုမျိုးရင်းနှီးမြှုပ်နှံမှုစာချုပ်တွေကို ပထမလူက ဒုတိယလူတွေကိုရင်းနှီးခိုင်းမယ်။ ပထမလူ ကအကျိုးအမြတ်ရမယ်။ ဒုတိယ လူကပိုများတဲ့ တတိယလူတွေကိုရင်းနှီးခိုင်းမယ်။ ပထမလူနဲ့ဒုတိယလူတွေ အကျိုးအမြတ်ရမယ်။ တတိယလူက နောက်ထပ်နောက်ထပ်သူတွေရှာဖွေပြီး ရင်းနှီးမြှုပ်နှံမှုတွေပြုလုပ်ခိုင်း မယ်။ ဘယ်လိုလွယ်လွယ်ကူကူအကျိုးအမြတ် ရမယ် ဆိုပြီးတော့ပေါ့။ တကယ်လည်း လွယ်ကူနေကြတာကိုး။ ဒီလိုမျိုးဒုတိယ၊ တတိယလူတွေမှာ နောင်လာမယ့်ရင်းနှီးမြှုပ်နှံသူအသစ်တွေကို ဘယ်လိုအချိန် အတိုင်းအတာအတွင်း ဘယ်၍ဘယ်မျှအကျိုးအမြတ်ရခဲ့ပြီးပြီဆိုတဲ့မက်လုံးတွေ လိုက်ပြောနေရတာကလွဲရင် ဘာမှခဲခဲ ယဉ်းယဉ်းအလုပ်တွေ မလုပ်ကြရတာ ကိုး။ ရင်းနှီးမြှုပ်နှံမယ့်သူတွေ နည်းပါးသွားချိန်ဟာ Ponzi Scheme ရဲ့နိဂုံးပါပဲ။ အဲဒီမှာဖြစ်လာ နိုင်တာက သုံးမျိုးပဲရှိပါတယ်။ ပထမလူကလက်ကျန်ငွေအားလုံး ကို ယူပြီးပြေးမယ်။ ရင်းနှီးမြှုပ်နှံသူအသစ်တွေရှာဖွေရတာ ခက်ခဲလာတဲ့ အတွက် ငွေကြေးစီးဆင်းမှု ရပ်တန့်သွားပြီး စနစ်အတွင်း နောက်ဆုံးဝင်ရောက် လာတဲ့ ရင်းနှီးမြှုပ်နှံသူတွေက ဒုက္ခအရောက်ဆုံး သူတွေဖြစ်လာကြမယ်။ ထွက်ပြေးသွားသူကလွဲပြီး ကျန်ရင်းနှီးမြှုပ်နှံသူတွေကရန်ဖြစ်ကြမယ်ဆိုတာ ပဲဖြစ်ပါတယ်။
ဒီလိုမျိုးစနစ်ကို Madoff လိုမျိုး လုပ်ရည်ကိုင်ရည်ရှိပြီး ကြီးကြီးမှန်းတဲ့သူတွေ လုပ်ခဲ့တော့ ရလဒ်ကလည်း တော်တော်လေးကြီးမားခဲ့ပါတယ်။ ၂၀၀၈ ခုနှစ်မှာ အဖမ်းခံရပြီး ၂၀၀၉ ခုနှစ်မှာ Madoff ကိုအာမခံ စာချုပ်စာတမ်းတွေ လိမ်လည် မှု၊ ငွေကြေးခ၀ါချမှုနဲ့ အလုပ်သမားအကျိုးအမြတ်အစီအစဉ်မှ ခိုးယူမှုအပါအ၀င် အမေရိကန်နိုင်ငံဗဟိုအစိုးရကနေ အမှုအပေါင်း ၁၁ မှုမှာ အပြစ်ရှိကြောင်း စီရင် ချက်ချခဲ့ပါတယ်။ ပြစ်ဒဏ်ကထောင်ဒဏ်နှစ် ၁၅၀ နဲ့အမေရိကန်ဒေါ်လာ ၁၇၀ ဘီလီယံပြန်လည်ပေးလျော်ရခြင်းပါ။ Madoff ရဲ့ Ponzi Scheme မှာ အဓိက ပါဝင်ခဲ့တဲ့သူ သုံးဦးမှာတစ်ဦးဖြစ်တဲ့ Bernie Madoff ရဲ့သား Mark Madoff ဟာ ကိုယ့်ကိုယ်ကိုယ်အဆုံးစီရင်ခဲ့ပါတယ်။

ဒီနေရာမှာ ပြောစရာတစ်ခုရှိလာပါပြီ။ MLM တွေ ဘာလို့တရားမ၀င်မဖြစ်သေး တာလဲ။ လွယ်လွယ် ကူကူပြောရမယ်ဆိုရင်တော့ MLM တွေအသုံးပြုတဲ့စနစ်နဲ့ စာရင် သူတို့ရောင်းချတဲ့ထုတ်ကုန်ပစ္စည်းကြောင့်ပါ။ သူတို့ရောင်းချတဲ့ထုတ် ကုန်ပစ္စည်းဟာ သူတို့နဲ့အမျိုးတူတဲ့ ဈေးကွက်အတွင်းက တခြားထုတ်ကုန် ပစ္စည်းတွေနဲ့ဈေးနှုန်းကွာဟမှုနည်းပါးခြင်း၊ အရည်အသွေးကွာမှု ကျဉ်းမြောင်းခြင်းတွေရှိနေမယ်ဆိုရင်တော့ MLM တွေအသုံးပြုတဲ့စနစ်ကို တရားမ၀င်အဖြစ်ကြေညာလို့မရပါလို့ဆိုကြပါတယ်။ ဒါပေမဲ့ အကျိုးအမြတ်တွေ ကိုငါး စာပြမျှားထားပြီး မတန်တဆပစ္စည်းတွေကို မတန်တဆဈေးတွေနဲ့ ရောင်း ချတဲ့ Multi-level Marketing တွေအတွက်တော့ ဒါဟာလိမ်လည်မှုပါပဲ။ ကြီး မားတဲ့လိမ်လည်မှုပါပဲ။ သာမန်ပစ္စည်းလိမ်ရောင်းမှုမှာ တရားခံဟာရောင်းချ သူဖြစ်ပြီး တရားလိုဟာဝယ်ယူသူပါ။ MLM လိမ်လည်မှုမှာတော့ ရောင်းချသူ ဟာ လိမ်လည်သူတရားခံဖြစ်ပြီး ၀ယ်ယူပါဝင်သူတွေကလည်း လိမ်လည်သူ တရားခံဖြစ်လာမယ့်သူတွေပါ။ သတိပြု စရာတစ်ခုပါပဲ။

စီးပွားရေးလုပ်ငန်းတို့ရဲ့ရည်ရွယ်ချက်က ငွေကြေးအမြတ်အစွန်းရရှိဖို့ပါ။ ဒါပေမဲ့ ငွေကြေးအမြတ် အစွန်းရဖို့တစ်ခုတည်းနဲ့ ကျင့်ဝတ်တွေဖောက်ဖျက်လို့ မရပါဘူး။ တစ်ကမ္ဘာလုံးကို အချိုရည် ရောင်းချတဲ့ကုမ္ပဏီ တစ်ခုဆိုပါတော့။ တစ်လီတာဆံ့တဲ့ သံဘူးတွေကို ကမ္ဘာအနှံ့သန်းထောင်နဲ့ချီပြီးဖြန့်ချိနေတဲ့ ကုမ္ပဏီတစ်ခုဟာ နည်းတစ်မျိုးမျိုးနဲ့သံဘူးတစ်ဘူးစီကနေ အချိုရည် ၀.၀၁ လီတာခိုးယူထားတယ်ဆိုရင် အချိုရေ ၉၉ ဘူးမှာ ကုမ္ပဏီကနောက်ထပ်တစ် ဘူး ပိုရတယ်လို့ဆိုရမှာပါ။ သောက်သုံးသူတွေအနေနဲ့ တစ်လီတာအချို ရည်ဘူး ကနေ ၀.၀၁ လီတာခိုးယူထားတယ်ဆိုတာ အမှန်တကယ်ဆိုရင် သိတောင် သိလိုက်ကြမှာမဟုတ်ပါဘူး။ ဒါပေမဲ့ အချိုရည်ဘူးသန်းထောင်နဲ့ချီဖြန့်ချိနေတဲ့ ကုမ္ပဏီတစ်ခုအတွက် အချိုရည် ၉၉ ဘူးမှာတစ်ဘူးအပိုရတယ်ဆိုတော့ အမြတ်ငွေဟာ မနည်းမနောပါဘဲ။ လူအများစုကို ဆိုးကျိုးမပေးပေမဲ့လည်း ဒါမျိုး ဟာလည်း White-collar Crime တစ်ခုပါပဲ။ ပညာရှိနည်းနဲ့လိမ်လည်မှုတစ်ခု ပါပဲ။ လောဘသားတွေများပြားတဲ့ လူ့လောကမှာ သာမန်ပြစ်မှုတွေထက်ပိုမို ကြီးမားတဲ့လူအများအပြားကို ဒုက္ခရောက်စေမဲ့ White-collar Crime တွေ ကတော့ရှိနှင့် နေဦးမှာဖြစ်ပြီး ပုံစံဟောင်းတွေရိုးသွားရင်လည်း ပုံစံသစ်တွေ နဲ့ရှိနေဦးမှာဖြစ်ပါတယ်။ အသိဥာဏ်ပညာမြင့်မားမှုကသာ White-collar Crime တွေလုပ်ဆောင်သူနဲ့ ခံရသူနှစ်ဦးနှစ်ဖက်စလုံးကနေ လွတ်ကင်းနိုင် မှာဖြစ်တဲ့ အတွက်အသိဥာဏ်ပညာမြင့်မားဖို့ ကျွန်တော်တို့ကြိုးစား လုပ်ဆောင်နေကြဦးမှာတော့ အမှန်ပါပဲ။
Ref : White-collar Crime cases that made Headlines- criminaljusticeusa.com, Ponzin Scheme-Wikipdia
5 years ago Bernie Madoff was sentenced to 150 years in Prison-Business Indisder
#myanmarb2bmanagementmagazine