Developed by Aye Chan Aung & Zin Zae Developed by Aye Chan Aung & Zin Zae

Wednesday, October 11, 2017

မြန်မာ့အလင်းအယ်ဒီတာအာဘော် -------------------------------------------- အကျိုးအမြတ်အတိုးနှုန်းမက်လုံးများကြောင့် မိမိတို့ပိုင်ဆိုင်သမျှ မဆုံးရှုံးကြရလေအောင်



မြန်မာ့အလင်းအယ်ဒီတာအာဘော်
--------------------------------------------
အကျိုးအမြတ်အတိုးနှုန်းမက်လုံးများကြောင့်
မိမိတို့ပိုင်ဆိုင်သမျှ မဆုံးရှုံးကြရလေအောင်
=================================

အွန်လိုင်းပေါ်မှာစတွေ့ခဲ့သူ၊ မစားရဝခမန်းမက်လုံးများ၊ ကတိစာချုပ် စာရွက်စာတမ်းများ၏ သွေးဆောင်ဖြားယောင်းမှုကြောင့် ရှိသမျှစည်းစိမ် ကလေးကို ယုံယုံကြည်ကြည်ပုံအပ်မိခဲ့သူ၊ နောက်ဆုံးတွင် '' မကြာခင် ပြန်လာခဲ့ပါမယ်'' ဟူသော စကားလုံးတစ်လုံးကိုသာ အွန်လိုင်းပေါ်တွင် ထားရစ်၍ လေလိုပျောက်ကွယ်သွားသူကြောင့် ဒုက္ခနှင့်သောကပေါင်းစုံ ကို ထွေးလုံးရစ်ပတ်ကာ ကျန်ရစ်ခဲ့သူတို့ တစ်ကျော့ပြန်ပေါ်ပေါက်လာ ခဲ့ပြန်ပြီဖြစ်ကြောင်း ကြားသိနေရသည်။ တစ်ကျော့ပြန်ဟုဆိုရသည် မှာလည်း လွန်ခဲ့သည့် ၁၅ နှစ်ခန့်က ဤကဲ့သို့အဖြစ်မျိုးများရှိခဲ့ပြီး အထွေထွေရောင်းဝယ်ရေးလုပ်ငန်း၊ အကျိုးဆောင်လုပ်ငန်းကုမ္ပဏီစသည့် ဟန်ပြလုပ်ငန်းကုမ္ပဏီများက အတိုးငွေကြီးကြီးဖြင့် မက်လုံးပေးကာ ရင်းနှီးမြှုပ်နှံမှုအစုရှယ်ယာများခေါ်ယူပြီး လအနည်းငယ်မျှအကြာတွင် အပျောက်ရိုက်သွားကြခြင်းကြောင့် ရှိစုမဲ့စုကို ပေါင်နှံရောင်းချကာ အစုငွေ ထည့်မိခဲ့သူများ၊ သက်ကြီးရွယ်အို ပင်စင်စားများ၊ ဝန်ထမ်းများဆုံးရှုံးမှု နှင့်ကြုံကာ ဒုက္ခရောက်ကြရသည်။ အချို့ ကိုယ်ဆင်းရဲ၊ စိတ်ဆင်းရဲနှင့် ဘဝပျက်သည်အထိ ဖြစ်ခဲ့ကြရသည်။ သူတို့လက်ထဲမှာ ကျန်ရစ်ခဲ့သည်က အစုရှယ်ယာရှင်ဖြစ်ကြောင်း အသိအမှတ်ပြုသည်ဆိုသည့် စာရွက် တစ်ရွက်မျှသာ။
ယခု နောက်တစ်ကျော့ပြန်လာသည်က ခေတ်ပေါ်လူထုဆက်သွယ် ရေးမီဒီယာဖြစ်သည့် လူမှုကွန်ရက်မှတစ်ဆင့်ဖြစ်သည်။ လူတိုင်းနီးပါး လက်ထဲတွင် ဖုန်းရှိလာပြီး လူတိုင်းနီးပါးလူမှုကွန်ရက်ကို အသုံးပြုလာ သောအခါ ကုန်ပစ္စည်းအရောင်းအဝယ်၊ အစုရှယ်ယာအရောင်းအဝယ်တို့ အွန်လိုင်းပေါ်၌ ဖြစ်ပေါ်လာကြသည်။ အတိုးကြီးကြီး မက်လုံးများနောက် ကောက်ကောက်ပါအောင်လိုက်ကြပြီး မိမိသာမက မိမိပတ်ဝန်းကျင်၊ မိမိဆွေမျိုးတို့ကိုပါ ထပ်မံ၍ ဆွယ်တရားဟောကြသည်။ စိတ်ကူးဖြင့် ဖဲရိုက်ကာ တွက်ရေးဖြင့် စက်သူဌေးဘွဲ့ကို ခံကြသည်။ လအနည်းငယ် ကြာပြီးနောက် ကုမ္ပဏီကြီးတစ်ခုလုံး ရုံးခန်းပါပျောက်သွားသောအခါ တွင်မှ မိမိတို့ခံလိုက်ကြရသည့်အဖြစ်ကို ခါးသီးစွာလက်ခံကြရသည်။
မိမိတို့တွင် ငွေပိုငွေလျှံရှိ၍ဖြစ်စေ၊ ရင်းနှီးမြှုပ်နှံမှုပြုလုပ်လို၍ဖြစ်စေ ကုမ္ပဏီတစ်ခုခုတွင် အစုရှယ်ယာဝင်မည်ဆိုပါက ကြိုတင်စုံစမ်းလေ့လာမှုပြုကြရမည်ဖြစ်သည်။ မိမိအစုရှယ်ယာဝင်မည့်ကုမ္ပဏီသည် တရားဝင် ကုမ္ပဏီဟုတ် မဟုတ်၊ ရင်းနှီးမြှုပ်နှံမှုပြုနိုင်သည့် အများပိုင်ကုမ္ပဏီ ဟုတ် မဟုတ်၊ ဗဟိုဘဏ်၏ခွင့်ပြုချက်ရှိ မရှိ၊ ကုမ္ပဏီ၏ရှေ့အလားအလာ စသည်တို့ကို သိရှိထားရန်လိုကြောင်း တာဝန်ရှိသူတစ်ဦးက အကြံပြု ထားသည်။ တရားဝင်မှတ်ပုံတင်ထားသော ကုမ္ပဏီဖြစ်သည်ဆိုရုံမျှဖြင့် ယုံကြည်စွာ ရင်းနှီးမြှုပ်နှံကြဖို့မသင့်ဟု ဆိုရမည်ဖြစ်သည်။
အကယ်၍ မဖြစ်မနေ ရင်းနှီးမြှုပ်နှံမှုပြုလုပ်လိုသည်၊ အစုရှယ်ယာ များ ရောင်းလိုဝယ်လိုသည်ဆိုပါက စိတ်ချလက်ချပြုလုပ်နိုင်သည့်နေရာမှာ တစ်နေရာသာရှိသည်။ ယင်းမှာ ရန်ကုန်စတော့အိတ်ချိန်းဖြစ်ပြီး ကုမ္ပဏီလေးခု၏ အစုရှယ်ယာများကို တရားဝင် ဝယ်နိုင်၊ ရောင်းနိုင်သော နေရာဖြစ်သည်။
အွန်လိုင်းပေါ်မှဖြစ်စေ၊ တစ်ယောက်စကား တစ်ယောက်နားဖြင့် မိမိ ရှေ့သို့ရောက်လာသည်ဖြစ်စေ၊ မည်သည့်ကုမ္ပဏီ၊ မည်သည့်ငွေကြေး ဝန်ဆောင်မှုတို့ကိုမဆို မည်မျှပင်မက်လုံးများပေးစေကာမူ လောဘအစွဲ ကိုခွာ၍ အစစ်အမှန်ကိုမြင်အောင် ကြည့်ကြရမည်ဖြစ်သည်။ အကယ်၍ ဝေခွဲမရဖြစ်နေပါက ဥပဒေ၊ စည်းမျဉ်း စည်းကမ်းတို့ဖြင့် အကာအကွယ် ပေးနိုင်သော အဖွဲ့အစည်းဖြစ်သည့် ''ငွေချေးသက်သေခံ လုပ်ငန်း ကြီးကြပ်ရေးကော်မရှင်(Securities Exchange Commission- SEC) '' သို့ ဆက်သွယ်မေးမြန်း စုံစမ်းခြင်းအားဖြင့် ရင်းနှီးမြှုပ်နှံမှု မမှားရအောင်၊ ဆုံးရှုံးနစ်နာမှုများမဖြစ်ရအောင် ရှောင်လွှဲနိုင်မည်ဖြစ် သည်ဟု မျှဝေအသိပေးအပ်ပါကြောင်း။ ။
https://www.facebook.com/MYANMAALINNNEWS/posts/1931809237059575